Ambasadori amerikan Donald Lu ka përshëndetur miratimin e reformës në drejtësi me 140 vota pro.
Lu ka theksuar se miratimi i kësaj reforme, mbi të gjitha, është një fitore për popullin shqiptar.
Ai bën me dije se përkushtimi i të gjitha forcave politike e ka bërë Shqipërinë një vend më të drejtë dhe më demokratik.
“Përgëzoj parlamentin për gjetjen e konsensusit nën trysni jashtëzakonisht të madhe”, thekson ambasadori amerikan.
Ndërsa, ka bërë me dije se SHBA është krenare që ka mbështetur hartimin dhe negocimin e kësaj pakete reforme të fortë, si dhe ka theksuar se presim me kënaqësi të vazhdojmë partneritetin tonë jetëgjatë, që tani është shumë më i fortë.
Përshëndetja e ambasadorit Donald Lu:
Deklaratë nga Ambasadori i SHBA Donald Lu
Miratimi i reformës në drejtësi, mbi të gjitha, është një fitore për popullin shqiptar. Përkushtimi juaj e ka bërë Shqipërinë një vend më të drejtë dhe më demokratik. Përgëzoj parlamentin për gjetjen e konsensusit nën trysni jashtëzakonisht të madhe. Shtetet e Bashkuara janë krenare që kanë mbështetur hartimin dhe negocimin e kësaj pakete reforme të fortë dhe presim me kënaqësi të vazhdojmë partneritetin tonë jetëgjatë, e cila tani është shumë më e fortë.
Statement by U.S. Ambassador Donald Lu
The passage of justice reform is above all, a victory for the Albanian people. Your commitment has made Albania a more just and democratic country. I congratulate parliament for finding a consensus under incredibly severe pressure. The United States is proud to have supported the drafting and negotiation of this strong reform package and we look forward to continuing our enduring partnership, which is now much stronger.
