TIRANE- Personat me rrezikshmëri të lartë janë jashtë, ndërsa në burgje janë personat për krime të më lehta. Me këtë deklaratë, edhe ambasadori i Britanisë Nikolas Cannon i bashkohet apelit të ndërkombëtarëve për reformë në drejtësi.
“Gjykatat shqiptare kanë në dispozicion një larmishmëri dënimesh alternative, por ato përdoren shumë rrallë. Ndërkohë masat e dënimit vijojnë të mbeten ekskluzivisht dënimet me burgim. Është shqetësues që vepra me rrezkshmëri më të ulët dënohen me burgim”, tha Cannon.
Më tej diplomati britanik cilësoi: “Është me rëndësi sepse sistemi i burgjeve është i mbipopulluar dhe i mbushur me shkelës ligji për vepra më me pak rëndësi në vend të shërbejë për burgosjen e individëve me rrezikshmëri të lartë shoqërore. Kjo do të thotë që hapësirat bëhen më të pakta dhe pakësohen burimet financiare. Arsyeja e dytë më e rëndësishme është se këto individë që burgosen për vepra me më pak rrezikshmëri mund të shkojnë drejt veprave me të rënda penale”.
Ndërsa ambasadori i OSBE, Florian Rauning tha reforma në drejtësi është çështje kyçe. Ndërkohë, vonesat në dhënjen e vendimeve të formës së prerë, ndikojnë në rritjen e numrit të paraburgosurve ku konstatohet se numri i autorëve të veprave penale në liri me kusht ka ardhur në rritje.
