Shtetet e Bashkuara të Amerikës kanë dënuar djegien apo shkatërrimin e pronave të atyre personave që kanë apo synojnë të riregjistrojnë makinat e tyre me targa ilegale serbe, në RKS-Republika e Kosovës.
Ambasadori i SHBA-së në Kosovë, Jeffery Hovenier i ka cilësuar këto akte “frikacake dhe kriminale”.
Më tej, Hovenir ka përsëritur kërkesën e SHBA-së për një shtyrje të plotë të zbatimit të vendimit për targat, ndërsa nënvizoi se Kosova ka të drejtë ta zbatojë këtë ndryshim.
“SHBA-ja dënon djegien ose shkatërrimin e pronës dhe çdo përpjekje për të frikësuar ata që kanë ose synojnë të marrin targa makinash RKS sipas ligjit të Kosovës. Këto janë vepra frikacake dhe kriminale. Ne ritheksojmë kërkesën tonë për një zgjatje të plotë të periudhës së zbatimit në mënyrë që tabelat RKS të mund të vendosen gjatë 12 muajve duke pohuar se Kosova ka të drejtë ta zbatojë këtë ndryshim”, shkruan Hovenir në Twitter.
Ky reagim vjen pasi ditën e sotme në Zubin Potok u raportua nga policia e Kosovës për djegien e një veture me targa RKS, pronari i së cilës ishte një qytetar i komunitetit serb./Opinion.al
We reiterate our request for a full extension of the implementation period so that RKS plates can be installed over the course of 12 months while affirming that Kosovo has the right to implement this change. 2/2
— Ambassador Jeff Hovenier (@USAmbKosovo) November 2, 2022
