Në mesin e mijëra personave të vrarë gjatë luftës në Kosovë janë edhe vëllezërit Bytyqi, tre shqiptarë nga Prizreni me shtetësi amerikane.
Kjo e premte 7 korrik shënon 24-vjetorin e ekzekutimit të tyre, që ndodhi kur ishin të paraburgosur nga policia speciale serbe.
Ambasada Amerikane në Beograd, në këtë përvjetor i ka kërkuar Serbisë të zbardh ngjarjen dhe të vendosë përpara drejtësisë përgjegjësit e vrasjes së 3 vëllezërve.
“Kanë kaluar 24 vjet që kur shtetasit amerikanë Ilir, Mehmet dhe Agron Bytyqi u ekzekutuan derisa ishin të paraburgosur nga policia speciale serbe. Çdo vit që kalon pa u mbajtur askush përgjegjës për këtë krim brutal lufte është një fyerje ndaj shtetit të së drejtës.
Shtetet e Bashkuara të Amerikës i bëjnë sërish thirrje Serbisë që të hetojë plotësisht këtë rast dhe të nxjerrë para drejtësisë ata që kanë kryer dhe kanë mbuluar këto vrasje. Ne do të vazhdojmë këtë thirrje deri në vendosjen e drejtësisë”, thuhet në postimin e Ambasadës së ShBA-së në Beograd në Twitter./Opinion.al
