Ambasada Amerikane e Shteteve të Bashkuara në Tiranë ka njoftuar se janë nisur nga Los Angeles dhe Fairfax dy ekipe emergjencash.
Në një njoftim në Facebook, Ambasada bën me dije se nëpërmjet USAID, janë nisur që ditën e djeshme ekipe emergjencash nga Departamenti Zjarrfikës dhe Shpëtues i kontesë Fairfax dhe Departamenti Zjarrfikës i kontesë së Los Angeles.
“Këta ekspertë do të ndihmojnë në koordinimin e ekipeve ndërkombëtare në vlerësimin e dëmeve, për të përcaktuar nëse ndërtesat dhe infrastruktura kritike në zonat e prekura janë të sigurta.” Shkruan Ambasada e SHBA. /Opinion.al
