TIRANË- Autoriteti i Mediave Audiovizuale ka vendosur sot të mos japë licencat kombëtare të transmetimit audioviziv numerik për tv Klan, Top Channel Digitalb dhe Supersport.
Sipas një njoftimi për shtyp të AMA-s, licencat “Beauty Contest” nuk u dhanë pasi nuk u arrit kuorumi i kërkuar, pra pesë vota.
Dy prej anëtarëve, përkatësisht Sami Nezaj, zëvëndëskryetar dhe Suela Musta, anëtare, vendosën rrëzimin e aplikimeve të subjekteve. Argumenti sipas tyre është se “bazuar në nenin 139, pika 8 e Ligjit 97/2013, licencimi sipas procedurës Beauty Contest kryhet për një periudhë tranzicioni, periudhë e cila është e përcaktuar në nenin 136 të ligjit 97/2013. Sipas kësaj dispozite, afati përfundimtar i kalimit të plotë në transmetimet numerike është data 17.06.2015”.
