TIRANE- Këngëtari Altin Goci rrëfen atë çka ndodhi me kolegët e tij mbrëmjen e djeshme në përfundim të Kënga Magjike. Ai tha se ka lënë Pallatin e Kongreseve gjatë kohës që Aurela këndonte dhe është shokur kur ka gjetur Florin të gjakosur në shkallë.
Altin çfarë di ti për ngjarjen e mbrëmshme ku Stine qëlloi Flori Mumajesin?
Ngjarja ka ndodhur teksa Aurela Gaçe ishte ngjitur në skenë dhe po këndonte këngën fituese. Ne, ndryshe nga herët e tjera që ku këndon fituesi të gjithë këngëtarët dalin në skenë, na i ishte thënë që kjo gjë nuk do ndodhte këtë herë. Ndërkohë që Aurela po këndonte unë po largohesha nga Pallati i Kongreseve dhe po dilja nga dera nga Komisioni Qendror i Zgjedhjeve.
Aty ndodhi ngjarja?
Kur unë dal te dera gjej Florin të mbuluar në gjak dhe Stine që po largohej. Pra ngjarja ka ndodhur maksimumi 30 sekonda para se unë të dilja.
Çfarë bëre ti?
Unë u llahtarisa nga ajo skenë që pashë. Lajmërova menjëherë ‘security’, kur ata erdhën, u mblodhen edhe kengetaret e tjere. Pashë që Flori ishte i vetëdijshëm, nuk i kishte humbur ndjenjat dhe menjehere eshte derguar ne spital. Ajo zonë aty është në errësirë të plotë. Nëse aty do të kishte ndriçim dhe security kjo ngjarje mbase nuk kishte për të ndodhur.
Përse mund të ketë ndodhur kjo ngjarje? Pasi u përfol se shkak ishte numri i vogël i pikëve që Flori i ka dhënë Stines…
Këtë nuk e di.
/Panoramaonline/
