Ish-deputeti Alqi Bllako, u paraqit këtë të enjte përballë Gjykatës së Posaçme si i pandehur për akuzën e “Shpërdorimit të detyrës” në dosjen e inceneratorit të Elbasanit.
I veshur me kostum, siç duket në pamje dhe duke treguar vëmendje ndaj disa dokumenteve që kishte nëpër duar, Bllako doli për herë të dytë në gjykatë për të kundërshtuar akuzën që rëndon ndaj tij.
Ndërkohë, ndryshe nga një seancë më parë, ish-ministri Lefter Koka, i akuzuar për korrupsion, pastrim parash dhe shpërdorim detyre, nuk u paraqit para treshes gjykuese. Megjithatë nëpërmjet avokatit ai pati disa kërkesa përsa i përket sekuestrimit te pasurive.
Bllako dhe Koka bashkë me 8 persona të tjerë, përfshi biznesmenët Stela Gugallja, Mirel Mërtiri dhe Klodian Zoto, akuzohen se janë përfshirë në korrupsion, pastrim parash dhe shpërdorim detyre, duke i shkaktuar shtetit me ndërtimin e inceneratorit të Elbasanit një dëm prej mbi 300 milionë lekësh./Tv Klan
