Klikimet në portale duket se janë kthyer në mollë sherri mes gazetares Dalina Buzi dhe moderatores Alketa Vejsiu. Paradite ishte Dalina Buzi ajo që shkruante se Vejsiu kishte gënjyer për renditjen e Monitor.al duke e ulur më poshtë ne renditje, portalin që ajo drejton Anabel.al. Por nuk ka vonuar edhe përgjigjja e Alketës, ajo i ka dedikuar një shkrim të gjatë Dalinës, ku i tregon se si është e vërteta e renditjes së Monitor.
“Po citoj Dalinkën. “Revista Class e ka marrë komplet shkrimin copy paste dhe ka ndryshuar renditjen duke vendosur më përpara emrin e saj (që renditet më poshtë syri.net dhe opinion.al) dhe pastaj atë të Anabel.” Jo çdo lajm që del online, kam kohë ta lexoj, sepse janë disa gazetarët që kujdesen për këtë në redaksi, por pas akuzave të padenja të Znj. Buzi, lexova dhe e kuptova, atë që isha e bindur që më parë, që gazetarët nuk e kishin ndryshuar absolutisht renditjen. Ishte shkurtuar shkrimi, për efekt koncentrimi, pa lënë kurrsesi të nënkuptohet që, meqë revista Class përmendet e treta në një paragraf, është e treta në renditjen e përgjithshme. Tabela e monitor.al, e publikuar nga ne, sipas burimit, e bën shumë të qartë renditjen që nuk kishim ndër mend ta ndryshonim. Në shkrimin e monitor. al, përveç tabelës së renditjes, prezantohen me nga një fjali 14 portale. Ne kemi përmendur vetëm pesë prej tyre: Balkanweb, Top Channel, veten, gazetën Tema dhe Shqiptarja.com. Absolutisht jo si një renditje. Edhe një herë. Renditja është në një tabelë dhe është shumë e qartë. Anabel.al dhe tetë portale të tjera nuk janë prezantuar, sepse shkrimi duhej shkurtuar. Nuk ka asnjë qëllim ky veprim, sepse pjesa e shkurtuar nuk përmbante komplimente apo arritje të mediave të tjera që ne donim t’i hiqnim “në mënyrë anadollake”, siç thotë Dalinka: ishin thjesht fjali përshkruese për këto media. Dhe kushdo që e lexon shkrimin jo vetëm që nuk sheh të thuhet që Class është i treti, por as nuk e ka atë ndjesi, sepse askush nuk ka pasur qëllim ta lërë të nënkuptohej kjo gjë”.
Moderatorja Vejsiu nuk e lë me kaq shkrimin, duke i thënë se ndonëse nuk është gazetare me profesion përsëri nuk ka mllefe dhe inate me askënd. “Statusi i saj vijon: “Meqënëse kam ca vite më shumë gazetarie se Znj.Vejsiu, i kujtoj se kur merr diçka copy paste ose nise dhe bitise siç është dhe cito burimin, ose mos e deformo në favorin tënd”.
Edhe unë po i kujtoj disa gjëra Znj. Buzi, që xhelozinë njerëzore ia njoh me zë dhe me figurë. Të jesh drejtuese e një medieje, nuk do të thotë të jesh gazetare dhe kot ka merak të më kujtojë aftësitë e gazetarisë, sepse unë nuk kam pretenduar kurrë që jam gazetare e mirëfilltë, por parimet ia njoh dhe ia respektoj. Artikulli është kopjuar dhe është cituar. Artikulli është shkurtuar, pa tendencë, pa selektivitet dhe askush nuk e ka deformuar. Unë jam e sigurt që, çdo sy, edhe ai më indiferenti, e sheh qartë renditjen në tabelë. Askush nuk ka tentuar t’i hedhë hi, as atij syri, por një syri që do të shohë të keqen ku nuk është, nuk kam çfarë t’i bëj”.
Ndërsa përsa i përket Dance With Me, programit që ajo drejton Vejsiu i rikonfirmon edhe njëherë gazetares, Dalina Buzi se matësit e audiencës këtë program e nxjerrin me më shumë se 50% shikueshmëri
