Deputeti i Partisë Demokratike, Enkelejd Alibeaj ka reaguar pas takimit me ambasadoren Yuti Kim duke treguar çfarë është diskutuar në takimin e tyre.
Ai thotë se është folur për zgjedhjet e 14 majit, rekomandimet e ODIHR shqetësimet mbi përdorimin e administratës dhe pastërtinë e kandidatëve.
Alibeaj shkruan se i ka garantuar ambasadores në emër të Partisë Demokratike vullnetin për t’u përfaqësuar denjësisht në këto zgjedhje.
Postimi i plotë:
Gjatë një takimi të frytshëm dhe miqësor me ambasadoren e SHBA në Tiranë prekem temat që lidhen me zhvillimet më të fundit në vend për t’u ndalur më gjatë tek ato të zgjedhjeve vendore të 14 Majit.
Diskutuam për rekomandimet e ODIHR, shqetësimet mbi përdorimin e administratës dhe pastërtinë e kandidatëve. Shqetësime këto të ngritura dhe më parë nga opozita dhe që kanë shoqëruar problematikën e proceseve të fundit zgjedhore në Shqipëri.
Në emër të PD garantova ambasadoren e SHBA për vullnetin e mirë tonin për t’u përfaqësuar denjësisht në këto zgjedhje duke zbatuar rekomandimet e ODIHR, duke ndarë me të shqetesime të ndryshme përfshirë dhe rolin e medias, para dhe gjatë fushatës elektorale.
Në fund të bisedës e falenderova për mbështetjen e vazhdueshme që SHBA i kanë dhënë Shqipërisë dhe shqiptarëve në rrugëtimin e gjatë dhe të vështirë të zhvillimeve demokratike./Opinion.al
1.1. Gjatë një takimi të frytshëm dhe miqësor me ambasadoren e SHBA në Tiranë prekem temat që lidhen me zhvillimet më të fundit në vend për t’u ndalur më gjatë tek ato të zgjedhjeve vendore të 14 Majit.
— Enkelejd Alibeaj (@enkelejdalibeaj) March 8, 2023
