Deputeti i PD, Enkelejd Alibeaj ka dhënë një deklaratë për mediat jashtë dyerve të parlamentit.
Ai ka folur rreth procesit për zgjedhjen e kryetarit të ri të PD-së, që pritet të mbahet më 29 korrik dhe qëndrimit kundër ndaj zgjedhjeve për kryetar të grupit parlamentar.
Alibeaj iu përgjigj edhe akuzave të Gazmend Bardhit, i cili tha se Këshilli Kombëtar i PD-së nuk ka kuorumin e mjaftueshëm për t’u mbledhur. Alibeaj tha se dokumentet dhe faktet tregojnë se kuorumi ishtë.
“Nuk ka qenë aspak një proces që i shërbente Lulzim Bashës. E mbani mend kishte një vendim të Kryesisë një vit më parë, me votat e të gjithë deputetëve, të cilët morën një vendim në këtë seli të uzurpuar që do të vazhdonim të këtë situatë pa bërë zgjedhje deri në përfundimin e zgjedhjeve lokale.
Zgjedhjet lokale kanë përfunduar dhe në respekt të atij vendimi duhet të kishin nisur një orë e më parë zgjedhjet në Partinë Demokratike. Mund të jenë dhe tre kandidatë. Ju duhet të besoni dokomentat, faktet dhe syrin e kamerave. Ju keni qenë në punimet e Këshillit Kombëtar, po është e vërtetë që një pjesë e anëtarëve të Këshillit Kombëtar, kanë zgjedhur të jenë në një strofull të majtë, te LSI-ja, gjatë zgjedhjeve dhe numri i personave besnik, anëtarë që i qëndruan PD-së në ditët më të vështira është 329. Nëse e pjestojmë me dy dhe i shtojmë 1 del shumica”, tha Alibeaj./Opinion.al
