Në interpelancën në Kuvend në lidhje me Amnistinë Penale, ministri Ulsi Manja dhe Enkelejd Alibeaj kanë shkëmbyer akuza me njëri-tjetrin.
Ata kanë deklaruar se secili prej tyre duhet të ishte tashmë në burg.
Deputeti demokrat theksoi se Ulsi Manja “nuk mbajti asgjë për vete”, por iu drejtua ligjvënësve në Parlament duke i thënë që “e votuat ju, ta gëzoni”.
“Urime Ulsi, je përmirësuar! Ka një problem nëse do ta kishim SPAK të krijuar në 2017 jam i bindur se kjo Amnisti nuk do të kishte kaluar në Kuvend sepse me standartet e SPAK simbole të korrupsionit dhe zyrtarë të lartë që më kërkojnë mua sot interpelancë do të ishin në burg. Ju liruat 40 banditë…Ke qen ministër asokohe. Vitin e mbaj mend tamam, shko dhe pyet Berishën se ai i di mirë datat. Dilni këtu dhe jepni emra!
Paske liruar 8, 18, 26, 46. Ndryshe nga ç’betoheshe një muaj më parë. Së dyti e patë që nuk mbajti asgjë për vete. Tha e votuat ju e mbani për vete. E kemi peshqesh nga bashkimi një muaj më parë.
Nëse do të bëhej në 2017 nuk do e votoje se do ishte te 313. E mban mend dosjen “184” e Dibrës?
Kam kërkuar nga SPAK dhe do t’i marr për të kuptuar të vërtetën për Amnistinë. Gënjeshtra e amnistisë u shkëput si maska nga fytyra e Ulsiut dhe atyre që e votuan, SPAK demaskoi qeveritarët sepse 100 të dënuar nga GJKKO përfituan”,-tha Alibeaj.
