Kryeministri i Greqisë Alexis Tsipras ka mbërritur këtë mëngjes në Republikën e Maqedonisë së Veriut pas nënshkrimit të “Marrëveshjes së Prespës”.
Tsipras, i cili shoqërohet nga bashkëshortja Beti Baziana, dhjetë ministra dhe biznesmenë grekë, është pritur nga ministrja e Mbrojtjes, Radmilla Sheqerinska si dhe nga ministri i Ekonomisë, Kreshnik Bekteshi.
Kryeministri grek Tsipras do të qëndrojë për vizitë zyrtare në Maqedoninë e Veriut, duke u bërë kështu kryeministri i parë i Greqisë që viziton vendin, me të cilin ishin mbërthyer në një ngërç shumëvjeçar në lidhje me emrin.
Kryeministri grek pritet të zhvillojë bisedime me kryeministrin Zoran Zaev dhe pritja zyrtare e tij do të zhvillohet me nderime shtetërore dhe ushtarake, përpara godinës së Qeverisë.
Pas bisedimeve Zaev-Tsipras dhe takimit ndërqeveritar, dy kryeministrat do të mbajnë konferencë të përbashkët për shtyp. Kryeministri grek takojë edhe kryetarin e Kuvendit, Talat Xhaferi./Opinion.al
