Aleanca për Mbrojtjen e Teatrit, këtë të mërkurë po zhvillon një protestë para SPAK, duke akuzuar Prokurorinë e Posaçme se po hesht ndaj padrejtësisë që është bërë për shembjen e Teatrit.
Regjisori Edmond Budina u shpreh se edhe pse kanë kaluar dy vite e 9 muaj nga koha kur Aleanca për Mbrojtjen e Teatrit ka depozituar kallëzimin, SPAK nuk ka reaguar
Më tej, ai i ka bërë thirrje këtij institucioni që të mos bëhet palë me mafien, por të jetë në krah të qytetarëve.
“SPAK ndaje mendjen, me mafien apo me qytetarët?! Skandalet në vend po plasin nga dita në ditë. Qytetarët po zhyten në varfëri. Pas 2 vitesh e 9 muajsh kallëzim për Teatrin, SPAK nuk reagon. Thirrje SPAK të mos bëhet palë me mafien. Jemi këtu për t’i thënë Stop mafies”, u shpreh ai.
