Albin Kurti, deputet i Kuvendit të Kosovës, mund të ketë pasur nevojë vetëm tre minuta ose edhe më pak, për të mbushur formularin e deklarimit të pasurisë për Agjencinë Kundër Korrupsionit (AKK).
Ai në formularët e tij ka deklaruar se nuk ka asnjë pasuri, as shtëpi, as banesë, as veturë as patundshmëri të tjera. Thjesht pagën që merr si deputet i Kuvendit të Kosovës në kuadër të Lëvizjes Vetëvendosje.Megjithatë, nëse vetë nuk ka pasuri, kjo nuk do të thotë se as bashkëshortja e tij norvegjeze, nuk ka para, raporton lajmi.net.
Në fakt për bashkëshorten, Kurti ka deklaruar se në një bankë në Oslo të Norvegjisë, ka të deponuara 85 mijë euro. Sa i përket të ardhurave të veta, ish kryetari i Vetëvendosjes, ka deklaruar se merr pagë vjetore si deputet nga Kuvendi i Kosovës, 18 mijë e 824 euro.
Por në pjesën ku deklaruesi ka mundësi të japë të dhëna apo sqarime të tjera, Kurti ka shkruar se; “nga muaji prill 2015, nga paga ime janë transferuar pagë vjetore prej 4092.12 euro për staf timin”.
