Prej kohësh portalet janë pushtuar nga lajmet që koreografi i njohur Albi Nako dhe balerina Alba Hoxha janë në një lidhje dashurie, për shkak të disa postimeve ku ata ndodheshin së bashku në pushime.
Mirëpo edhe pse u diskutua gjatë për marrëdhënien e tyre, Albi Nako në intervistat e tij e ka mohuar një gjë të tillë. Ai është shprehur se mes tyre nuk ka asgjë dhe kanë udhëtuar së bashku vetëm për çështje pune.
Megjithatë dyshja është kapur sërish mat . Në disa foto të siguruara nga ‘Jeta osh qejf’, Albi dhe Alba shihen së bashku duke pushuar në plazh. Ata shfaqen shumë pranë njëri-tjetrit dhe kjo gjë ka tërhequr vëmendjen e pushuesve të cilët edhe i kanë fotografuar.
