Alban Skënderaj është një prej këngëtarëve më të pëlqyer shqiptar i cili është pozicionuar më së shumti te muzika e lehtë. Edhe pse në të kaluarën ai ka bashkëpunuar herë pas here me reper të ndryshëm, zgjedhja e fundit na ka habitur disi.
Pak pasi bëri të ditur se do të publikojë këngën e radhës me reperin e famshëm MC Kresha, Alban Skënderaj duket se nuk ka ndërmend të ndalet.
Lajmi për bashkëpunim me një tjetër reper, Noizyn, u bë i ditur nga moderatorët e emisionit “Chaud Patate” në Energy Radio.
Sipas tyre, Noizy dhe Albani janë duke punuar për të sjellë projektin e tyre të parë muzikor së bashku, i cili mësohet se do të ketë temë sociale dhe është krijuar nga vet Alban Skënderaj.
Nuk e mendojmë dot si mund të rezultojë një bashkëpunim mes tyre, por mbetet për tu parë.
