Sekretari amerikan i Mbrojtjes, Jamess Mattis, në raportin e tij për Senatin amerikan ka kërkuar formimin e Ushtrisë së Kosovës.
Ky lajm nuk ka kaluar pa u komentuar nga mediat serbe. Gazeta “Blic”, një nga më të lexuarat në Serbi, nis artikullin me titullin: “Qeni i tërbuar i Trumpit porosit formimin e Forcave të Armatosura të Kosovës”.
“Sipas Sekretarit amerikan të Mbrojtjes, Jamess Mattis, me rrudhjen e forcave amerikane nga Kosova, forcat vendore, duhet të marrin mandatin për mbrojtjen e vendit”, shkruan Blic.
Gjenerali legjendar amerikan, Jamess Mattis që mban postin e Sekretarit të Mbrojtjes bëri me dije se Kosova duhet të ketë ushtri dhe duhet të njihet nga Serbia.
Në një raport drejtuar Senatit, Mattis thekson se FSK duhet të shndërrohet në ushtri. Gjithashtu, ai ka mbështetur dialogun Prishtinë-Beograd, duke theksuar se njohja e sovranitetit të Kosovës nga Serbia do të adresohet para kohës së anëtarësimit në Bashkimin Evropian.
