Pas paralajmërimeve për tsunami lëshuar nga autoritet japoneze, ka reaguar përmes një postimi në rrjetet sociale Ambasada Shqiptare në Japoni.
Ambasada iu bën thirrje shtetasve shqiptarë që ndodhen në Japoni të ndjekin me vëmendje informacionet e publikuara dhe të respektojnë me përpikmëri udhëzimet e autoriteteve lokale. Gjithashtu janë publikuar numrat e telefonit në rast nevoje.
‘Njoftim i autoriteteve vendase për tsunami.
Në vijim të paralajmërimeve të autoriteteve japoneze për tsunami në disa rajone të vendit, iu bëjmë thirrje shtetasve shqiptarë që ndodhen në Japoni të ndjekin me vëmendje informacionet e publikuara dhe të respektojnë me përpikmëri udhëzimet e autoriteteve lokale.
📢 Në rast nevoje ju lutemi të kontaktoni:
WhatsApp: +81-70-9023-3905
📞 +81 80 4357 2971’, shkruan Ambasada në rrjetet sociale.
Një tërmet me magnitudë 8.8, një ndër më të fuqishmit, goditi gadishullin Kamçatka në lindjen e largët të Rusisë.
