Alarmi për bombë në disa shkolla të Tiranës ka rezultuar fals pas kontrolleve që ka kryer policia. Lajmi ka shkaktuar frikë tek prindërit, ndërsa fëmijët në disa shkolla ku ka pasur kontroll kanë dalë jashtë në oborr, por më pas sa ka mbaruar janë rikthyer në klasa e mësimi ka vijuar.
Mendohet se kemi të bëjmë me një sulm kibernetik.
E-mail ka shkuar në adresën e disa shkollave në Tiranë.Policia e Krimit kibernetik po verifikon se nga është dërguar. Nje email që Report Tv ka siguruar i është dërguar Shkollës Katund i Ri.
E-mail është dërguar mëngjesin e sotëm në orën 04:15 tek adresa ‘[email protected]’. Personi që e ka dërguar ka shkruar me përmbajtje të ekstremizmit fetar islamik duke kërcënuar këdo që do e pengojë, në qëllimin dhe targetin e tyre që mesa duket janë mësuesit, të cilët janë kërcënuar rëndë.
Megjithatë mbetet e dyshimtë autenticiteti i këtij e-mail, pasi siç dihet kohët e fundit, Shqipëria ka qenë nën valën e një sulmi kibenrentik nga Irani.
Gjithashtu mësohet se policia ka kryer kontrolle dhe në shkolla të tjera 9-vjeçare në Tiranë. Bëhet fjalë për shkollën ‘Vaçe Zela’ në rrugën Eshref Frashëri dhe në shkollën ‘Gustav Majer’ në rrugën Frosina Plaku, pranë 21-dhjetorit. Sakaq, kontrolle ka patur edhe në gjimnazin ‘Sami Frashëri’ në kryeqytet.
Pas kontrolleve të policisë, mësimi vijon normalisht.
