Kur presidenti Uli Hoeness ka vetëm pak orë që u ankua në medie për problemet e Bayern-it në mesfushë, për kampionët e Gjermanisë sot nisën edhe telashet në sulm. Robert Lewandowski anuloi seancën stërvitore të së hënës, duke u ankuar për dhimbje në këmbën e djathtë. Fizioterapisti Christian Huhn ishte në fushë dhe po fliste me trajnerin Carlo Ancelotti. Ai ndihmoi polakun të largohej për në dhomat e zhveshjes në “Säbener Straße” dhe deri tani nuk është publikuar ndonjë diagnozë.
Të premten Bayern luan në Mainz, por duket se Don Carlo duhet të formojë një “Puzzle” shumë të vështirë, i ndikuar nga dëmtimet. Përveç sulmuesit Lewandowski, aktualisht janë të dëmtuar edhe Jerome Boateng, Arjen Robben, Arturo Vidal, Julian Green dhe Kingsley Coman. Dy të fundit e kanë humbur fazën e parë, kurse të tjerët janë në dyshim, secili me probleme muskulore, diçka që po kthehet në një epidemi në Mynih. Këtë sezon Lewandowski ka shënuar 7 gola në 12 ndeshje të kampionatit.
