Aeroporti Schiphol i Amsterdamit është evakuuar mëngjesin e sotëm nga policia pasi “një britanik filloi të bërtiste duke thënë se kishte një bombë.”
Zyrtarët e aeroportit holandez Schiphol konfirmuan se incidenti ndodhi mëngjesin e Vitit të Ri në orën 8 dhe dëshmitarët e përshkruan vetë skenën e panikut në mediat sociale.
Sipas raportimit të mediave holandeze, 29-vjeçari britanik u arrestua nga policia, ndërsa disa pjesë të terminalit u mbyllën për t’u kontrolluar.
Rrjeti mediatik NOS njoftoi se valixhja e njeriut në fjalë u kontrollua me qen nuhatës por nuk u gjend eksploziv, ndaj aeroporti u rihap pas 20 minutash./The Indipendent
