Interesi i Al Hilal-it për Nicolò Barella-n daton prej kohësh, por oferta e parë arriti gjatë merkatos së dimrit kur mesfushori refuzoi me dashamirësi për shkak të dëshirës së tij për të qëndruar në Milano.
Por klubi arab nuk është nga ata që heqin dorë nga preja e tyre shumë lehtë dhe po planifikon një rinisje me shifra të çmendura për të bindur Barellën të largohet nga Seria A për në Ligën Pro Saudite.
Nëse në janar flitej për një pagë prej 18 milionë eurosh, këtë herë thashethemet që vijnë nga Arabia, të raportuara nga La Gazzetta dello Sport, flasin për një kontratë katërvjeçare prej 351 milionë eurosh në total.
Al Hilal, i cili sigurisht nuk ka probleme buxhetore dhe gjithashtu është ‘liruar’ nga rroga faraonike që i jepte Neymar, ka në mendje një lëvizje marramendëse për verën, me Kupën e Botës për Klube në horizont, dhe Barella është në krye të listës së trajnerit Jorge Jesus.
Nuk është ende një propozim zyrtar, por në Arabi betohen se do të fillojn fazën operative. Me pranimin e ofertës arabe, Barella do të bëhej futbollisti italian më i paguar në histori, ndërsa rekordin e mban aktualisht Graziano Pellé, i cili fitonte 15 milionë euro në vit në Kinë.
Por ky rekord nuk i intereson zv/kapitenit të zikaltërve, i cili planifikon të qëndrojë për një kohë të gjatë në Milano. Me një rinovim të nënshkruar vitin e kaluar, që skadon në 2029 dhe një pagë prej 6.5 milionë euro në vit, Barella është i lumtur te Inter.
