Shkëlzen Buci, personi i cili akuzohet se është autori i vrasjes së motrës së tij, Eglantina Buci, teksa ka mohuar përfshirjen e tij në këtë ngjarje, thotë se dëshmitari duhet të tregoj të vërtetën.
Shkëlzen Buci shprehet për “News 24” se “Kam shpirtin e djegur dhe të përvëluar. Mbas shumë vuajtjesh, motrën e çuan e bënë copa në Malin me Gropa dhe na nxorën familje horror.”
Ai u shpreh se nuk di të qëllojë me armë. Aktualisht, Buci është pas hekurave për një vrasje të kryer në 2017-ën, për të cilën tha se edhe për atë krim, nuk kishte bërë kryerje të saktë.
“Dëshmitari duhet të tregojë të vërtetën. Për mua mjafton që të gjejë personi i vërtetë që ka vu dorën mbi motrën time, dhe unë le të vdes. S’kam asnjë kompleks për dënimin. Kam shpirtin e djegur dhe të përvëluar. Mbas vuajtjen e çuan e bënë copa në Malin me Gropa dhe na nxorën familje horror. Do të lutem, shokut tim i drejtohem, që t’i nxjerr të gjitha të vërtetat. Mos hidh baltë se unë jam në burg, se unë jam në burg e babai im po. Se kam bërë një krim, s’do të thotë se jam kriminal, e thua se kam vrarë motrën time. Kam besim tek drejtësia se kjo çështje do të hetohet. E kam besimin tek gazetaria më shumë. Nëse unë kam marrë pjesë tek këto itinerare, një nga detajet do e nxjerrin të vërtetën. Unë nuk mund të identifikojë askënd për sa kohë që unë nuk kam prova. Se po të kisha prova s’do kisha ardhur këtu. Do i kisha bërë lëvizjet e mia, me shtet, pa shtet. S’mund të identifikojë një njeri specifik. Unë di të them një gjë që; i lutem zotërisë, që të tregohet i sinqertë pa komplekse, pa presione. Të tregojë të vërtetën, siç e dinë. Jo të shpif, Në fund të fundit çdo gjë duhet të provohet.”, tha Buci.
Eglantina Buci u ekzekutua me armë zjarri 8 vite më parë, ndërsa trupi i saj u fsheh në Malin me Gropa, por pak kohë më pas eshtrat e saj u gjetën rastësisht nga persona të tjerë të cilët njoftuan autoritetet.
Lidhur me ngjarjen janë akuzuar vëllai i saj Shkëlzen Buci në rolin e ekzekutorin dhe babai i saj, Faik Buci në rolin e organizatorit të vrasjes.
Pyetje nga gazetarja
Ke qenë në Malin me Gropa me dëshmitarin apo dhe me të tjerë?
Buci: Më këtë person kurrë në jetë. As me këtë as me asnjë.
A ke pasur në dispozicion armë zjarri apo babi jot?
Buci: Kurrë. Për armën që kam kryer krimin…shiko këtu. Kurrë. Unë nuk kam bërë ushtri. S’di të përdor armë. Edhe personin që unë….skam qenë në gjendje me gjuajt drejt. Kam shkrehur 8 plumba dhe ato kanë ikur lart e poshtë. Skam qenë i përgatitur. Kam qenë në depresion. Skam përdorur kurrë armë. Ekspertiza do të nxjerrë gjëra të tjera, e të tjera. Kam besim se e vërteta e motrës time do të dal. Ju lutem hetoni, investigimi. Nxirrni zanafillën. Qofsha unë, babai im, xhaxhai im. Kushdo qoftë, më intereson e vërteta.
Në bisedë ju më tregoi se me kë jetonte motra juaj. E takuat atë djalë?
Buci: Nuk e pranonte ky që bashkëjetonte./ Opinion.al
