Një 65-vjeçar është arrestuar ditën e sotme nga policia e Elbasanit, pasi dyshohet se 8 vite më parë kishte kryer marrëdhënie seksuale me dhunë me një të mitur.
Sipas uniformave blu bëhet me dije se ngjarja ka ndodhur 8 vite më parë në qytetin e Elbasanit, ku 65-vjeçari me iniciale A.S. ka kryer marrëdhënie seksuale me dhunë me të miturën në vitin 2015 në shtëpinë e gjyshërve të saj.
Mësohet se i moshuari u denoncua dje në Policinë e Elbasanit nga 14-vjeçarja dhe nëna e saj.
Pas këtij denoncimi, policia vuri në pranga 65-vjeçarin.
“Specialistët për Hetimin e Krimeve të Komisariatit të Policisë Elbasan vunë në pranga shtetasin A. S., 65 vjeç, banues në Elbasan, pasi rreth orës 10:00, të datës 20.08.2023, janë paraqitur në ambientet e Komisariatit, një 14-vjeçare dhe nëna e saj, të cilat kanë kallëzuar se në vitin 2015, shtetasi A. S. ka kryer marrëdhënie seksuale me dhunë, me të miturën, në shtëpinë e gjyshërve të saj. Veprimet procedurale me të miturën janë kryer në prani të nënës së saj, psikologës dhe avokatit”, tha policia.
Vijojnë hetimet në drejtimin e Prokurorisë, për të verifikuar këtë kallëzim./Opinion.al
