Deputeti i Partisë Socialiste, Plarent Ndreca është paraqitur ditën e sotme në Gjykatën e Posaçme, në seancën paraprake që do të mbahet ndaj tij.
Kujtojmë se ai akuzohet për shkelje të barazisë në tendera gjatë kohës që ka mbajtur detyrën e sekretarit të përgjithshëm të Ministrisë së Brendshme.
Bëhet fjalë për procedurat e ndjekura për tenderin e rikonstruksionit të katër komisariateve duke favorizuar një biznesmen.
Akuza zyrtare deputetit socialist iu komunikua më 25 tetor.
Ka qenë Kontrolli i Lartë i Shtetit që ka bërë një kallëzim për këtë rast pasi nga auditi zbuloi se ka pasur shkelje të ligjit.
