Kreu i bashkisë së Mallakastrës, Qerim Ismaili, i është përgjigjur akuzave të Partisë Demokratike, e cila deklaroi se ka fshehur në formularin e dekriminalizimit dënimin në Greqi.
Përmes një postimi në rrjetet sociale, Ismaili shprehet se këto akuza nuk janë të vërteta dhe se nuk është arrestuar ndonjëherë nga policia greke.
Lidhur me datën 25 shkurt 2000, ditë për të cilën PD e akuzon se është dënuar, Ismailaj shprehet se ka qenë në punë si mësues në shkollën 8-vjeçare “I.Shehu”, Corrush.
Kreu i bashkisë së Mallakastrës thotë se nuk ka gënjyer në formularin e dekriminalizimit, ndërsa ka publikuar list-pagesat për vitin 2000 si mësues në Ballsh.
Postimi i plotë:
Pershendetje te gjitheve! Do te doja qe nepermjet ketij statusi te ndaja me ju nje prononcim lidhur me deklaratat e bere sot nga Partia Demokratike lidhur me emrin tim dhe te kaluaren time:
1- Dua te theksoj se gjithcka kam deklaruar ne formularin e dekriminalizimit eshte e vertete.
2- Po ritheksoj dhe njehere se per periudhat qe kam punuar si emigrant ekonomik ne Greqi nuk jam arrestuar apo ndaluar asnjehere nga policia greke per cfardo arsye ligjore.
3- Lidhur me pyetjen se cfare me kujton 25 shkurti 2000, ju bej me dije se me kujton nje dite normale pune si mesues ne shkollen 8-vjecare “I.Shehu”, Corrush.
Bashkangjitur list pagesat per kete periudhe. Se fundi per te gjithe ata qe nuk me njohin (pasi ata qe me njohin e dine mire), se nuk jam marre asnjehere me veprimtari te jashteligjshme si dhe jam totalisht i qete ne ushtrimin e detyres qe me kane besuar qytetaret mallakastriote pasi nuk kam mbi vete epitetet e hajdudit, trafikantit te qenieve njerezore apo lendeve narkotike ashtu si mund ti kene eksponete te caktuar te PD. Ju faleminderit dhe klm./ Opinion.al
