Policia franceze kanë bastisur këtë të martë zyrat e organizatorëve të Lojërave Olimpike Paris 2024, në një hetim për korrupsion, që ka nisur prej disa muajsh.
Sipas mediave, policia franceze po heton pretendimet për favorizim dhe keqpërdorim të parave publike në favor të kontratave të ndërtimit.
Një zëdhënës i komitetit organizativ të Paris 2024 tha për mediat se organizatorët janë duke bashkëpunuar ngushtësisht me hetuesi për zbardhjen e plotë të këtyre pretendimeve.
Lojërat Olimpike të vitit 2024 do të mbahen në Paris nga 26 korriku deri më 11 gusht dhe pas tyre në shtator do të zhvillohen Lojërat Paralimpike.
Këto bastisje të policisë janë episodi i fundit që prek lëvizjen olimpike të Francës dhe sportet në përgjithësi gjatë muajve të fundit.
Në maj, presidentja e Komitetit Olimpik Kombëtar të Francës, Brigitte Henriques dha dorëheqjen në një veprim që habiti shumë ekspertë të sportit.
