Pasi Krimet e Rënda nisën hetimet për korrupsion dhe shpërdorim detyre ndaj ish-zyrtarëve dhe zyrtarëve të Universitetit të Tiranës të dyshuar për abuzim me tenderat, ka reaguar Dhori Kule, ish-rektor dhe sot dekan i Ekonomikut.
Ish-rektori i UT, Dhori Kule, mohoi të ketë bërë kallëzim në prokurori ndaj rektorit aktual Mynyr Koni, ndërsa u shpreh i hapur për hetimet e prokurorise.
Ai tha se vetë nuk ka kryer shkelje, por akuzoi pasardhësin në këtë detyrë, rektorin aktual të UT-së, Mynyr Koni, për shkelje të rënda të ligjit. Kule iu referua një kontrolli që Ministria e Arsimit ka ushtruar në Universitetin e Tiranës, ndërsa apeloi që hetimi i aktivitetit të kryer në dhjetor të mos tërheqë vëmendjen nga situata aktuale.
Një ditë meë parë edhe Rektori i Univesitetit të Tiranës, Mynyr Koni, shprehu mbështetje ndaj Prokurorisë së Krimeve të Rënda të cilës i bëri thirrje për hetim të plotë, të shpejte e të thelluar mbi të gjithë aktivitetin financiar të institucionit të arsimit të lartë në 10 vitet e fundit.
Dy ish-miqtë e ngushtë, Dhori Kule dhe Mynyr Koni prej muajsh tashmë akuzojnë njëri- tjetrin për abuzime me tenderat. Ndërkohë që më herët katër dekanë të univeristetit në kryqyetet ndër ta dhe dekani i fakultetit Ekonomik, Dhori Kule kërkuan shkarkimin e Rektorit Mynyr Koni.
Lexo edhe:Koni: Jam i hapur per hetimet
