SPAK ka thirrur nëndrejtoreshën e një instituti arsimor, Brikena Baxhakun në lidhje me kallëzimin ku pretendohet se drejtuesi politik i Partisë Demokratike për Qarkun e Tiranës, Belind Këlliçi ka falsifikuar diplomën e gjimnazit.
Mësohet se Baxhaku është thirrur në SPAK si një person që ka dijeni mbi rrethanat e çështjes. Ajo ndodhet në Prokurorinë e Posaçme që prej orës 11:00.
Sjellim në vëmendje se në Dhjetor të 2024-ës, Këlliçi ka dëshmuar në SPAK lidhur më këtë kallëzim. Pas daljes nga Prokuroria, Këlliçi mohoi pretendimet se ka bërë deklarim të rremë lidhur me diplomën e shkollës së mesme.
