Në një konferencë për mediat, teksa prezantoi kandidatin e grupimit të tij, Roland Bejkon, për Bashkinë Tiranë në zgjedhjet e 14 Majit, Enkelejd Alibeaj iu përgjigj akuzave të grupimit të Berishës për pazare me Edi Ramën.
Alibeaj, gjatë fjalës së tij tha se vetë ai nuk mund të ngrejë gishtin dhe të akuzoj pa fakte konkrete nëse dikush nga foltorja është bashkëpunëtor i Edi Ramës.
Më tej ai citoi shprehjen e prokurorëve “ndiq paranë”, ndërsa shtoi se kështu do të mësohet se kush shton te ardhurat dhe shpenzon pa i justifikuar paratë.
“Kam zgjedhur qe mos ti përgjigjem shpifjeve te pabaza te atyre qe ne këto 30 vite janë puthur dhe pështyrë me çdo politikan te partisë se vet apo kundërshtar politik. Kam zgjedhur gjithashtu te jem etik dhe mos te përdor kurrë banalitete apo epitete te shëmtuara as për kundërshtaret politike. Kjo është mënyra qe kam zgjedhur sepse përveç akuzave te pabaze deri me sot, nuk kam pare apo lexuar një fakt qe te vërtetoje se kam bashkëpunuar me Edi Ramën apo dike tjetër nga Rilindja. Kam zgjedhur te jem transparent dhe i hapur ne vend te makinacioneve te fshehta dhe pazareve qe janë kaq te dukshme ne arkivin e politikes shqiptare. E keni pare gjate gjjthë kësaj periudhe se kush ka qene agresiv ne media apo rrjete sociale? Se kush ka financuar takime te përditshme, regji qendrore, media dhe analiste për te përbaltur ata qe mendojnë ndryshe ne një parti politike. Mendoni se do lejonte Edi Rama qe paratë te derdheshin lume nëse nuk do ti interesonte e gjithë kjo tymnaje dhe sherr i panevojshëm mes demokrateve? Unë nuk mund te ngre gishtin dhe te akuzoj pa fakte konkrete nëse dikush nga foltorja është bashkëpunëtor i Edi Ramës. Por ndonjëherë ajo qe thonë prokuroret “ndiq paranë” vlen dhe ne politike. Sidomos për politiken shqiptare. Ndiq paranë, shih kush shton te ardhurat dhe shpenzon pa i justifikuar paratë dhe te jeni te sigurte se rrugët te çojnë tek Edi Rama.
Ju ftoj te shihni çdo shpenzim tonin gjate vitit te fundit dhe do ta kuptoni se ku fshihet djalli. Dhe këtë here jo ne detaje te vogla, por ne thesin e atyre qe shpenzojnë dhe arkëtojnë ne atë qe për demokratet dhe shqiptaret e thjeshte është regjimi i Edi Ramës”-tha Alibeaj.
