Ish-kryeministri, Sali Berisha ka dalë në një konferencë për mediat, pasi të shtunën SPAK arrestoi dhëndrin e tij, Jamarbër Malltezi dhe vendosi dy masa sigurie ndaj tij.
Berisha u shpreh se është njohur me akuzat e SPAK të cilat i cilësoi paçavure të kryeministrit Rama.
Më tej ai tha se Malltezi është vënë në pranga vetëm se është dhëndri i tij.
“Pasi u njoha me dokumentin paçavure të Edi Ramës dhe larove të tij skapistë, deklaroj me përgjegjësi të plotë, para shqiptarëve se kemi të bëjmë me një dacibao, fletërrufe për ata që nuk e dinë se çfarë janë, që në çdo paragraf shpreh dufet dhe urrejtjet e përroit psikik të Edi Ramës, ligësinë e tij shpirtëore dhe të skapistëve që ndajnë të njëjtin moral me të.
Ajo është një kosh me gënjeshtra, shpifje të ulëta, manipulime dhe trillime monstruoze, të cilat faktojnë karakterin politik dhe amoral të masave të sigurisë të vendosura ndaj Sali Berishës dhe Jamarbër Malltezit, këtij të fundit për fajin e vetëm se është dhëndri im”-tha Berisha./Opinion.al
