Pas denoncimit të Ish-Kryeministrit Berisha se Edi Rama është takuar në Sarandë me Klement Balilin, vjen një tjetër akuzë e demokratëve këtë radhë për Ministrin e Brendshëm Saimir Tahiri, i cili akuzohet për lidhje mafioze me Sacra Corona Unita dhe për një takim me Klement Balilin dhe vëllezërit Habilaj në prani të disa drejtueshish të komisariateve të policisë. Kohët e fundit, përfshirja e Kryeministrit dhe Ministrit Tahiri në trafikun e narkotikëve është artikuluar në mënyrë të vazhdueshme nga ana e Partisë Demokratike.
Deklarata e Nokës
Tashmë nuk ka më asnjë dyshim që ministri i Brendshëm është në krye të një bande të organizuar të narkotrafikut. Pas udhëtimit në Itali së bashku me disa anëtarë të organizatës mafioze Sacra Corona Unita, Saje Qorri nuk ka reshtur së vazhduari me axhenden e trafikut. Meqënëse Rama nuk dënjoi të kthejë asnjë përgjigje për këtë shqetësim të ngritur, sot kemi një pyetje tjetër për Ramën dhe kryeqehajain e tij Tahiri.
Ku ka qënë Tahiri mbrëmjen e datës 12 Gusht? A ke kaluar një mbremje konfidenciale në Ksamil me drejtorët Policisë së Vlorës dhe Gjirokastrës dhe çfare bisede u bë aty? A ishin pjesë e këtij takimi edhe vëllezërit Habilaj dhe Klement Balili dhe me çfare cilësie ishin pjesë e tavolinës se ministrit ? Meqënëse kryeqehajai i Ramës ka axhendë të zënë me takime me narkotrafikatët më të mëdhenj të Ballkanit e Italisë për të garantuar trasportimin e sasisë më të madhe të kanabisit që ka parë ndonjëherë vendi, po presim përgjigje nga Rama. Shqiptarët kërkojnë të dinë të vërtetat e këtij krimi që ka mbuluar vendin. Pse organizohet nga qeveria? Pse menaxhohet nga ministri e vartësit e tij? Çfarë problemi ka Z Rama që fshihet dhe përpiqet ta fshehë këtë krim shtetëror me pasoja për vendin? Ndaj Shqipëria është më e mirë pa Edi Ramën.
