Një gjykatë turke urdhëroi sot paraburgimin e kryetarit të Stambollit Ekrem Imamoglu, raportuan mediat turke.
Ai pritet të gjykohet për dy akuza të veçanta, korrupsion dhe terrorizëm.
Kryebashkiaku i Ankarasë, i cili gjithashtu i përket Partisë Popullore Republikane (CHP) si Imamoglu, e quajti vendimin një “turp” për sistemin gjyqësor të vendit.
Vendimi për të dërguar në burg Imamoglu, i cili konsiderohet kundërshtari më i fortë i Presidentit Recep Tayyip Erdogan u mor pavarësisht akuzave nga Partia Popullore Republikane (CHP) dhe liderët evropianë se akuzat kundër tij janë të motivuara politikisht.
Prokuroria e Stambollit, në bazë të hetimeve të kryera, ka arritur në dyshimet se ai, së bashku me 100 persona të tjerë, mes të së cilëve ndodhen gazetarë e biznesmenë, janë përfshirë në aktivitete kriminale që lidhen me tendera të dhënë nga bashkia.
Kujtojmë se Ekrem Imamoglu fillimisht u arrestua të mërkurën, duke shkaktuar protesta të gjera në të gjithë Turqinë, të cilat që atëherë janë intensifikuar akoma më shumë./Opinion.al
