Aktorja e njohur Renee Zellwegger është shprehur gjatë një interviste se ka patur një periudhë në jetën e saj, kur ndihej keq dhe e trishtuar.
Për shkak të kësaj gjendje emocionale, ajo vendosi të tërhiqej disa kohë nga Hollywoodi dhe aktrimi.
“Po shikoja veten time dhe po rrotulloja sytë. Kam pranuar disa këshilla të këqija. Kam bërë disa zgjedhje goxha të këqija…Ishte shumë kohë e errët. Dhe e trishtuar. Por unë nuk e shikoj atë si jetë të humbur, sepse mësova shumë nga kjo dhe kjo është ajo që duhej, mendoj unë.
Kam mësuar shumë për perspektivën. Për të njohur modele të ndryshme të sjelljes sime. Për të kuptuar pasojat e ndryshme. Dhe në fund jam thjesht mirënjohëse. Mirënjohëse që kam mësuar dhe kam munësinë për të bërë diçka ndryshe”,-ka theksuar ajo në intervistën për Red Magazine.
Renee është bërë mjaft e njohur me shumë role gjatë karrierës së saj, e sidomos me ‘Ditarin e Bridget Jones”./Opinion.al/
