Ndonëse në media u spekulua se aktorja indiane, mikeshë e dukeshës Meghan Markle, Priyanka Chopra e kishte takuar Archien e vogël, vetë aktorja e ka mohuar këtë fakt.
Megjithatë gjatë një interviste për “The Sunday Times” Chopra u shpreh se marrëdhënia e saj me dukeshën vijon të jetë shumë e fortë dhe madje ka dhënë disa detaje më shumë rreth shoqërisë së tyre.
“Meghan është shumë progresive, moderne, është një grua e bërë vetë që duket njësoj si ne. Është shumë e bukur dhe përpiqet që të jetë vetvetja në të gjitha situatat,”-ka thënë aktorja.
Ndër të tjera Chopra tha se trajtimi që po i bëhet Meghan-it në media është i padrejtë padrejtë dhe me prapavijë raciste, megjithatë shprehet se nëse është dikush që mund ta përballojë të gjithë këtë presion është vetëm ajo.
Për sa i përket gjërave që kanë ndryshuar tek ajo qëkur është bërë pjesë e familjes mbretërore, aktorja thotë se nuk janë shumë.
“E bukura e gjithë aventurës së saj është se gjatë gjithë kohës ajo vazhdon të jetë vetvetja. Shumë njerëz e kanë njohur pasi filloi të dilte me Harry-n por për mua që e njoh që në fillimet e saj, ajo ka mbetur e njëjta, flet për gjërat që i interesojnë në të njejtën mënyrë si më parë. Ka qenë dhe ende mbetet vajza që do të ndryshojë botën,”-përfundoi Priyanka.
Megjithatë në media është disktuar gjatë që marrëdhënia e tyre nuk është e njëjta, pasi Meghan nuk ishte e pranishme në dasmën e aktores me këngëtarin Nick Jonas dhe aq aktorja nuk ishte në baby-shoëerin e Meghan në New York./Opinion.al/
