Harvey Weinstein ka qenë në vëmendjen maksimale të mediave, pas skandaleve me abuzimet seksuale në Hollywood. Shumë aktore folën kundër tij, dhe pranuan se ishin abuzuar. Një prej tyre ishte edhe Uma Thurman e cila fillimisht u shpreh se nuk ishte gati të rrëfente të gjithë historinë me të.
Ajo së fundmi ka pranuar të flasë për këtë histroi të hidhur, e cila i ka rrezikuar edhe jetën.
“Asokohe unë shkoja shumë mirë me gruan e tij (ish tashmë), Eve Chilton dhe gjatë kësaj kohe ai vetëm më komplimentonte. Më pas, në një takim në Paris, ai doli nga tualeti i veshur vetëm me një peshqir dhe më mori drejt një dhome tjetër. Por pasi i tregova se kjo ishte e pakëndshme, ai u largua pa bërë gjeste më tepër. Më vonë, në një takim në Londër, u përpoq të më ulte në prehër, zhvishej, bënte gjeste të shpifura. Sigurisht që nuk e lejova” – ka shprehur aktorja. Por sigurisht ky reagimi saj pati pasoja teksa xhirohej filmi. Në njërën skenë të tij, duhej që Uma të ngiste makinën me shpejtësi dhe më pas të bënte skenën e një aksidenti me makinë. Sigurisht kjo e fundit kishte menduar se kjo do të bëhej me një aktore zëvendësuese pasi ajo nuk ishte e aftë për të tillë risk, por për inat, Ëeinstein këmbnguli që skenën ajo ta xhironte vetë.
“U përplasa me pemën, ndjeva aq shumë dhembje sa mendova se nuk do të mund të ecja më kurrë. Mu desh të mbaja një lidhëse në qafë për një kohë të gjatë, ndërkohë që edhe sot vazhdoj dhe bëj terapi për qafën sepse ende nuk e kam mirë. Për të mos folur për gjurin që e operova…” – ka treguar ajo teksa rikthen edhe një herë në memorie ngjarjen.
“Personalisht, më janë dashur 47 vite që të mësohem me idenë se ata që sillen keq me ty, nuk kanë kurrësesi dashuri ndaj teje. Më mori kaq shumë kohë ta mësoja, sepse kur jemi vajza adoleshente besojmë se pjesë e çmednurisë së dashurisë është edhe ndonjë dhunë fizike apo ndonjë ofendim. Por tashmë e mendoj shumë ndryshe ndaj dhe fola, astu siç duhet ta bëjnë të gjitha” – ka përfunduar ajo.
