Aktori shqiptar Reshat Arbana ndodhet i shtruar prej mbrëmjes së të mërkurës në spitalin Nënë Tereza.
Arbana është shtruar me urgjencë në pavionin e kardiologjisë për shkak gjendjes së tij të rënduar. Mësohet se aktualisht gjendja e tij shëndetësore ësht% stabël, por vijon të jetë në kujdesin mjekësor.
Arbana vuan nga një sëmundje e zemrës dhe për këtë arsye duhet të jetë gjithnjë nën kontrollin e mjekëve. Aktori 79-vjeçar ka qenë aktiv në teatër kohët e fundit me shfaqjen “Babai”. Ai është i njohur për rolet e tij të shumta në teatër dhe në kinematografi./Opinion.al/
