Flori dhe Irgeni na bëjnë të qeshim çdo të diel. Dy aktorët e humorit ishin të ftuar në emisionin e mëngjesit, Wake Up. Krahas roleve me të cilat kanë spikatur në spektaklin e humorit, si “dy policët” e sidomos “babë e bir” ata janë ndalur edhe tek “roli” i tyre në jetën e përditshme, në atë të baballarëve. Flori është babai i një vajze dhe një djali, ndërsa Irgeni i një vogëlushi 2-vjeçar.
Ka disa baballarë të cilët asistojnë në sallën e lindjes së bashkëshortes së tyre. Ka gjithashtu nga ata të cilët nuk kanë aq guxim sa të qëndrojnë në sallë.
Flori bën pjesë tek grupi i parë i baballarëve, i cli tregon eksperiencat e tij në lindjen e dy fëmijve, ndërsa Irgeni bën pjesë te grupi i dytë.
Flori tregon se ka qenë i përkushtuar gjatë periudhës së shtatzanisë së bashkëshortes së tij. Madje ai thotë se ka qenë aq i fiksuar sa ka asistuar në lindjen e fëmijës së dytë, pasi tek i pari nuk arriti të siguronte lejen për të hyrë në sallën e lindjes.
“Kam dashur të jem te lindja e vajzës por nuk ka qenë e mundur, sepse ndodhi shumë herët dhe nuk mora dot leje te doktori, ndërsa të lindja e djalit isha i pranishëm. Ishte një eksperiencë shumë e bukur , që ia këshilloj të gjithëve ta provojnë.
Irgeni është babai i një djali, por kur ka ardhur në jetë i biri, ai ka vendosur të mos jetë i pranishëm në sallë për një arsye.
“E kam ndjekur hap pas hapi, por nuk kam qenë i pranishëm në lindje. Do bërtiste ajo, pastaj unë do t’i bërtisja doktorit, do acarohesha më shumë”,-ka thënë aktori në emisionin e mëngjesit “Wake Up”.
Ai u shpreh se bashkëshortja është ndihma e tij më e madhe. “Ajo më bën të ndihem ende beqar. Ndërkohë përpiqem që kohën e lirë që kam, ta kaloj me të voglin”. u shpreh aktori.
