Ministri i Shtetit për Marrëdhëniet me Parlamentin, Taulant Balla gjatë fjalës së tij u bëri thirrje emigrantëve jashtë vendit, që të regjistrohen për të votuar në zgjedhje.
“Janë akte që u mundësojnë bashkëatdhetarëve tanë të regjistrohen deri në 4 mars. Gjej rastin t’iu shpreh mirënjohjen atyre që e kanë bërë këtë detyrë ndaj atdheut”,-tha ministri.
Ai shtoi se deri me tani janë konfirmuar 195 mijë votues, ndërsa u shpreh se deri të martën pritet të shkojë 230 mijë.
“Qindra bashkatdhetarë rezultoi se nuk kishin mundësi për të rinovuar dokumentet brenda afatit. Ndaj, qeveria ka sjellë sot këto dy akte që i mundësojnë bashkatdhetarë të vazhdojnë të regjistrohen në shumicë deri në 4 mars për të votuar. U shpreh mirënjohje të gjithë atyre që e kanë bërë këtë detyrë ndaj atdheut. Janë 195 mijë të konfirmuar deri më tani dhe pritet që deri të martën të shkojë 230 mijë. Tregon dëshirën e madhe të bashkohen dhe kontribuojnë për atdheun”,-tha Balla.
