Në orët e para të mëngjesit në veri të Mitrovicës, policia në Kosovë ka ndërmarrë një aksion, ku deri tani kanë mbetur të plagosur dy efektivë si dhe janë ndaluar rreth 13 persona.
Për këtë ngjarje ka reaguar Kryeministri i Kosovës Ramush Haradinaj, i cili është shprehur se ky operacion po ndodh me urdhër të prokurorisë si dhe shtrihet në të gjithë Kosovën.
Sipas Kryeministrit ky operacion është i drejtuar ndaj individëve të përfshirë në kontrabandë, krim të organizuar dhe vepra të tjera kriminale.
“Si Kryeministër i vendit, konfirmoj se bëhet fjalë për zbatimin të ligjit dhe asgjë tjetër.Ftoj serbët e veriut ta ruajnë qetësinë dhe ta respektojnë ligjin!,”-ka shkruar Haradinaj në reagimin e tij të publikuar në rrjete sociale.
Statusi i plotë i Haradinajt:
“Me urdhër të Prokurorit, në gjithë Kosovën aktualisht është duke ndodhur një operacion policorë, i drejtuar ndaj individëve të përfshirë në kontrabandë, krim të organizuar dhe vepra të tjera kriminale.D
isa prej personave të përfshirë në këto vepra janë zyrtarë doganorë, policë por edhe qytetarë të rëndomtë.
Operacioni u zhvillua me sukses edhe në Komunat Veriore të Kosovës.Si Kryeministër i vendit, konfirmoj se bëhet fjalë për zbatimin të ligjit dhe asgjë tjetër.Ftoj serbët e veriut ta ruajnë qetësinë dhe ta respektojnë ligjin!RH”
