Një pistoletë stilolaps është në mesin e arsenalit të armëve që u sekuestruan në bazën e armatimeve në Babicë të Vlorës ditën e sotme gjatë aksionit të policisë.
RENEA ushtroi kontroll në banesën që shërbente si depo armatimi për grupet kriminale.
Gjatë aksionit u arrestua një person me iniciale L.D. i cili u gjet brenda kësaj banese.
Dyshohet se i riu me 2 emra, që ruante bazën e armatimeve, është pjesëtar i një grupi kriminal. Në konferencën për shtyp Drejtori i Drejtorisë Vendore të Policisë Vlorë Drejtues Ermal Muçaj, tha se dyshohet se armët e zbuluara, të jenë përdorur në 2 ngjarje kriminale të ndodhura koha më parë në qytetin bregdetar.
Në këtë banesë janë sekuestruar një sasi e madhe armatimi si: snajper, pjesë përbërëse arme luftarake, pistoletë Zastava 10 mm me dy krëhëra, pistoletë dhe 40 fishekë 5.6mm, armë e kalibrit 12 mm, mina me celular, 7 kallëpe lëndë eksplozivi plastik, silenciatorë, 4 dylbi optike, 2 palë dylbi optike vëzhgimi, kuti plastike me 200 fishekë 9 mm, radiomarrëse me valët e Drejtorisë së Policisë Vlorë, targa makinash, çelësa makinash, maska, fenelina, veshje të ndryshme.
