Deputetja e PD, Flutura Açka është shprehur kundër aksionit të opozitës për bllokimin e komisioneve parlamentare.
Nëpërmjet një postimi në rrjetet sociale, ajo e quan aksionin që zhvillohet nga shumica e deputetëve të PD një puç fashistë.
Më tej, ajo shkruan se ky aksion është zhvilluar në kuadër të marrëveshjes së deputetëve me mazhorancën që socialistët të fshehin dështimet.
“Unë nuk jam Notere e “Marrëveshjes së Karrigeve”, por Kryetare e Komisionit për Edukim, znj. Kushi! Puç i RI fashist në mbledhjen e Komisionit Parlamentar për Edukim dhe Mjetet e Informimit Publik. Kinse, dera e sallës së komisionit u bllokua me karrige rebelistësh. Asnjë përqarje ankuese nuk e përligj mbledhjen online të Komisionit Parlamentar për Edukim dhe Mjetet e Informimit Publik, të paracaktuar për të filluar sot nē orën 13.00. Skenari ka qenë i parapërgatitur (mes palëve në interes) qysh mbrëmë. Unë duhet vetëm të vija firmën, t’ua legjitimoja “Marrëveshjen e Karrigeve”. Ja ora kur jam njoftuar për skenarin e parapërgatitur. Sot, ora: 11.47 Nga e dinin këta mbrëmë se ç’do të ndodhte sot?! Qëllimi ka qenë i qartë: Kalimi online, pa debat, pa shpjegimet publike për dështimet, pa përfshirë zërin e Opozitës në Projekt-buxhetin e vitit 2024.Unë e denoncoj publikisht këtë marrëveshje djallëzore kundër mirëqenies së shqiptarëve”,-shkruan Açka.
