Ka nisur protesta e opozitës, ku qytetarët pavarësisht kushteve atmosferike kanë vijuar bllokimin e pesë akseve kryesore të kryeqytetit.
Në protestë, përveç qytetarëve janë pjesëmarrës edhe deputetë dhe anëtarë të Partisë Demokratike.
Belind Këlliçi i bëri thirrje forcave të policisë që të bëhen pjesë e mosbindjes civile të Partisë Demokratike. Ai tha se asnjë prej protestuesve nuk ka dalë për t’u konfrontuar me efektivët apo qytetarët.
“I bëjmë thirrje forcave të Policisë së Shtetit. Askush prej protestuesve nuk ka ardhur për t’u konfrontuar as me ju a me qytetarët. Ju ftojmë të bashkoheni me ne në mosbindjen civile”, tha Këlliçi.
Ai tha se PD nuk do bëjë “as edhe një milimetër pas”, por do qëndrojë në mbrojtje të interesit të qytetarëve.
