Policia ka nisur një aksion në Sarandë, për ekzekutimin e disa urdhër arresteve ndaj zyrtarëve të administratës. Mësohet se deri më tani janë arrestuar 4 ish-zyrtarë.
Sipas informacioneve, policia po kryen, përveç arresteve, edhe kontroll të banesave të zyrtarëve. Operacioni për arrestimin e katër ish punonjësve është kryer me urdhër të Prokurorisë së Sarandës.
Në pranga kanë rënë Artur Musai, ish-Kryeinspektor i INUV, Vangjel Xhavara, Besian Koci, Erton Zekaj, inspektorë.
Musai, Xhavara dhe Koci janë ende në detyrë në Bashkië e Sarandës, në pozicione të tjera, të transferuar nga detyra para disa muajsh.
Ata akuzohen se kanë lejuar ndërtime pa leje në Ksamil, kryesisht gjatë periudhës mars-qershor 2023.
