Prokuroria ka kërkuar 10 vite burg për shtetasin Andrea Memollari që aksidentoi për vdekje nënën e dy fëmijëve në muajin korrik të vitit të kaluar.
Autori i veprës akuzohet për “aksident me pasojë vdekje” si dhe “Largimin nga vendi i aksidentit”.
Memollari përfitoi ulje dënimi nga procesi i gjykimit të shkurtuar.
Për gjarjen e rëndë që ndodhi në rrugën “Jordan Misja” në Tiranë, Memollari deklaroi se në momentin e aksidentit ishte duke folur në telefon.
“Nga larg nuk e pash se kishte njerëz që po kalonin rrugën. Ma kishte marrë mendjen telefoni. E kuptova që e kisha shtypur vetëm kur trupi ishte poshtë makinës”- deklaroi ai.
