Policia ka arrestuar 20-vjeçarin që shkaktoi mbrëmë aksidentin me pasojë vdekjen e një 52-vjeçari.
Sipas uniformave blu mësohet se ngjarja ndodhi në vendin e quajtur “Kryqëzimi i Grecallisë” në Fier, ku shtetasi B. H. përplasi shtetasin D. Gj., 52 vjeç, i cili humbi jetën në spital.
“Në vijim të informacionit të dhënë mbrëmjen e djeshme, për një aksident në vendin e quajtur “Kryqëzimi i Grecallisë”, Fier, ku automjeti me drejtues shtetasin B. H. përplasi shtetasin D. Gj., 52 vjeç, i cili humbi jetën në spital, informojmë se specialistët e Sektorit të Policisë Rrugore të DVP Fier arrestuan në flagrancë shtetasin B. H., 20 vjeç, banues në Mbrostar Ura”, thekson policia./Opinion.al
