Një ditë pas aksidentit fatal ku një 11 vjeçar humbi jetën, policia arreston drejtuesin e mjetit Aleks Beko, 30 vjeç, banues në Elbasan. Sipas policisë, Beko, duke drejtuar mjetin e tij tip BMW, me targa AA 444 NU, në aksin Elbasan-Librazhd ka dalë nga rruga dhe për pasojë ka gjetur vdekjen fëmija 11 vjeç me iniciale E.K. banues në Elbasan.
I mituri ka qenë duke ecur në trotuar kur është aksidentuar nga makina që doli nga rruga dhe e përplasi fatalisht. Gjithashtu është dëmtuar lehtë vetë drejtuesi i mjetitdhe pasagjeri i tij, shtetasi B.Ç, 47 vjeç , banues në Elbasan dhe ndodhen jashtë rrezikut për jetën.
