Policia ka shoqëruar në Komisariat një 45 vjeçare pasi aksidentoi një fëmijë 7-vjeçar dhe u largua nga vendngjarja pa e ndihmuar.
Ngjarja ka ndodhur pasditen e sotme në Shëngjin, në vendin e njohur si “Lapidari”, aty ku një Fiat Punto i drejtuar nga shtetasja me inicialet L.Gj, përplasi një vajzë të vogël pjesë e komunitetit afgan që strehohet me statusin e refugjatit pikërisht në atë zonë.
Fëmija sipas forcave të rendit ndodhet në spital për ndihmën e nevojshme mjekësore, por aktualisht ndodhet fatmirësisht jashtë rrezikut për jetën.
Policia kanë bërë të mundur identifikimin dhe shoqërimin në ambientet e policisë të mjetit të përfshirë në aksident, ndërkohë që grupi hetimor vazhdon veprimet hetimore për zbardhjen e plotë të rrethanave të aksidentit.
