Një 67-vjeçar është aksidentuar nga një automjet në aksin rrugor Kukës-Uzinë dhe për pasojë është dërguar për mjekim në Spitalin e Traumës në kryeqytet. Policia njofton se ka vënë në pranga drejtuesin e mjetit, 38-vjeçarin me iniciale S.Gj.
“Specialistët e Qarkullimit Rrugor në Drejtorinë Vendore të Policisë Kukës arrestuan në flagrancë shtetasin S. Gj., 38 vjeç, banues në fshatin Bushat, Kukës. Arrestimi i tij u bë pasi, në aksin rrugor Kukës-Uzinë, duke drejtuar automjetin tip “Benz”, ka aksidentuar shtetasin B. P., 67 vjeç, banues në Kukës. I dëmtuari, pasi ka marrë ndihmën e parë mjekësore në spitalin rajonal Kukës, është transportuar për mjekim më të specializuar në Spitalin e Traumës Tiranë”, njoftoi policia./Opinion.al
